Sosializmu: Perspetiva Ekonomika
Sosializmu: Perspetiva Ekonómika Autor: Noe Gaspar Tilman Hegel nu’udár filózofu Alemaun, hateten katak iha aspetu tolu ne'ebé dudu mudansa sosiál. Aspetu hirak ne’e maka: ideia sira ne'ebé iha kontradisaun ba malu, esforsu atu rekonsilia ideia kontraditivu sira no ideia kontradisaun sira ne’ebé maka sei mosu. Aspetu tolu ne’e maka ita bolu: teze, anti-teze no sinteze husi ne’ebé sei forma sai teze ida. Hanoin/ pensamentu ida (teze) sei hasoru hanoin/pensamentu ne’ebé kontraditivu ba malu (anti-teze) no husi kontradisaun sira ne’e maka sei forma ka moris fali (sinteze) ida, husi ne’ebé sei sai nu’udár lialos foun ida/ ”a new truth” (teze). Hegel hanaran prosesu pensamentu ida ne’e ho naran “DIALÉTIKA”. Inspiradu husi Hegel nia hanoin maka, grupu sosializmu sira haree grupu kapitalizmu nu’udár sistema ida ne’ebé maka la estavél (teze). Tan ne’e, presiza duni iha anti-teze ida atu bele alkansa justisa sosiál ida ne’ebé hanaran Sosializmu. Husi komprensaun kona-b